கொரோனா சிகிச்சைக்கு பிஎஃப் சேமிப்புப் பணத்தை எவ்வாறு எடுப்பது என்று இங்கே தெரிந்துகொள்ளலாம்.
முன்பெல்லாம் பிஎஃப் பணத்தை எடுப்பதற்கு ஈபிஎஃப் அலுவலகத்திற்கு நடையாய் நடக்க வேண்டிய நிலை இருந்தது. ஆனால், இப்போது அமர்ந்த இடத்தில் இருந்துகொண்டே மொபைல் போன் மூலமாகவே பிஎஃப் பணத்தை எடுக்கலாம். வருங்கால வைப்பு நிதி அமைப்பு (EPFO) தனது சந்தாதாரர்களை சில நிபந்தனைகளின் கீழ் பிஎஃப் பணத்தை எடுக்க அனுமதிக்கிறது. கொரோனா பாதிப்பைக் கருத்தில் கொண்டு வருங்கால வைப்பு நிதிக் கணக்கில் 75 சதவீதம் அல்லது மூன்று மாத அடிப்படை ஊதியம் மற்றும் சலுகைகளுக்குச் சமமான தொகையை எடுக்க அனுமதி வழங்கப்பட்டுள்ளது. அதன்படி பிஎஃப் பணத்தை அதிகப்பேர் எடுத்து வருகின்றனர்.
முதலில் https://unifiedportal-mem.epfindia.gov.in/memberinterface/ என்ற வெப்சைட்டில் செல்ல வேண்டும்.
அதன் பின்னர் UAN நம்பர், கடவுச்சீட்டு (Password) , கேப்ட்சா குறியீடு ஆகியவற்றைப் பதிவிட்டு உள்நுழைய வேண்டும்.
பின்னர் ‘Manage’ என்ற வசதியை கிளிக் செய்து ‘Online Services’ என்ற ஆப்சனில் செல்ல வேண்டும்.
அதில் CLAIM (FORM-31, 19 and 10C) என்பதில் சென்று ‘Proceed for Online Claim’ என்பதை கிளிக் செய்யவும்.
அடுத்த பக்கத்தில் (படிவம் 31),பணம் எடுப்பதற்கான (withdraw) நோக்கம் மற்றும் எடுக்க விரும்பும் தொகை போன்ற விவரங்களைப் பதிவிட வேண்டும். இந்த கட்டத்தில் நீங்கள் முழு, பகுதி அல்லது ஓய்வூதியம் என்ற வகையில் ஏதேனும் ஒன்றைத் தேர்ந்தெடுக்க வேண்டும்.
அடுத்ததாக, படிவம் 31 அல்லது ’PF advance’ படிவத்தில் கீழ் தோன்றும் மெனுவில் ’I want to apply for’ விருப்பத்தைத் தேர்ந்தெடுத்துத் தொடர வேண்டும். பின்னர் ’outbreak of pandemic (Covid-19)’ என்பதைத் தேர்ந்தெடுக்கவும்.
அதன் பின்னர் ’get Aadhaar OTP’ என்பதை கிளிக் செய்து உங்களது மொபைல் எண்ணுக்கு வரும் ஓடிபி (OTP) எண்ணைக் கொடுக்கப்பட்ட இடத்தில் பதிவு செய்து சமர்ப்பிக்க வேண்டும்.
உங்களது கோரிக்கை நிறுவனத்தின் ஒப்புதலுக்காக முதலில் அனுப்பப்படும். அதன் பின்னர் தகுதியான தொகை நேரடியாக உங்களது வங்கிக் கணக்கில் இரண்டு வாரங்களுக்குள் டெபாசிட் செய்யப்படும்.
